Inuttut aammalu suliffeqarfimmut atasinnaassusermik pilersaarusiukkamik suliaqarsimagussi taava suliffeqarfissi inueqatigiinni akisussaaqataanerminik takutitsissaaq.
Tassani pineqarput inunnut akisussaassuseqarneq. Sulisoq soraarsissimasaq pitsaasumik ingerlariaqqinnissaanut ikiuunnermik takussutissiivoq, taakkulu siunissaannut ingerlalluarnissannullu tunngalluni. Tassa outplacement-ip isumaa.
Inuitrecruitment ikiuuttarpoq suliffeqarfiit amerlasuukkaanik ataasiakkaanik soraaarsitsisoqarsimatillugu, tamannalu Nunatsinni aamma Qall. Nunaanni ingerlanneqarsinnaavoq. Outplacement-imi sullissisartut misilittagaqarluartut Nuummi, Sorø kiisalu Køge-mi nanissaapput. Sulisorisimasat pitsaasumik ingerlariaqqinnissaat kissaatigigukku attavigisigut.
Suliffeqarfik soraarsitaminut outplacement atorlugu ikiuinerminik takutissavaa sulisuminik ikiuukkusussusermik takutitsisoq akisussaaqataanermillu. Ataatsimut isigalugu suliffeqarfiup isigineqaataa aamma pitsaasumik avammut nittarsaanneqassaaq. Taamaattumik aamma taaneqartarpoq employer branding (sulisorisimasamik isumaginninneq)
Outplacement-imik/ inisseeqqinnermik pilersaarusiorneq suliffeqarfinnut nukittorsaassaaq. Sulisut suliinnartussat tigummiinnarnissaanut iluaqutaassaaq aamma – pingaartumik ikilisaasariaqarnermi soraarsitsiortornermilu. Soorunami soraarsitat sulisullu suliinnartussat ataqqinninnermik misigitinneqarpata kikkunnut tamanut ajunnginnerussaaq.
Soraarsitaaneq soraarsitsineq amerlanernut misigitsutsikkut annertuumik eqquisinnaasarpoq. Pakatsinermik, kamannermik, ilaatigulluunniit depressionernermik kinguneqarsinnaalluni. Ilaatigut siunnersortitta nalaattarpaat sulisut soraarsinneqarsimasut misigisarnerat suliaminnut atorsinnaanngitsutut. Atorsinnaanngitsutut misigisimaneq kaanngartissinnaavaat siunersortitta, qaamanermullu takunnissinnaanermut qaninnerulersitsisarlutik. Soraasinneqarsimasoq pikkorissunik siunnersorneqassaaq, siunissamut inuunerminik ingerlariaqqittussanngorlugu, tamannalu suliffeqarfinnut aamma ajunngitsumik kinguneqartumik avammut nittarsaassinerussalluni sulisukorisamiit.
Suliffeqarfinni mutiunerusuni CSR eqqumaffigineqaleraluttuinnarpoq, amerlasuullu outplacement- imik pigisaqarnissaq ilanngukkaluttuinnarlugu. Suliffeqarfinni nikerarsinnaaneq annertusigaluttuinnarpoq, ilaatigut peqqutaalluni suliffeqarfiit sulisuminnik namminneq taarseraasalernerat imaluunniit allatut ajornartumik ikilisaasariaqarneq pillugu. Taamaattumik siornatigorniik suliffinnik taarseraanerulernikuuvugut. Tamannalu isumaqarpoq inuttut akisussaassuseqarnermik tigusinerulernermik, tassanilu outplacement annertuumik ineriartornermut peqqutaaqataalluinnarpoq.
Siunnersortitta misilittagaqarfigilluaramikku tamakkuninnga sullissineq, nalunngilluarpaat sulisup soraarsitap qanoq ingerlariaqqinnissaa. Ataqqinaatigerusupparpummi inuit siunnersorneqarnissaminnut toqqissisimasumik misigitinnissaat, tamannalu tatsigeqatigiinnermik tunngaveqarluartartoq nalunngilarput. Sulisorisimasat toqqissisimanartumik siunnersorneqarnissaat qularnaatsumik neriorsuutigisinnaavarput, tamannalu aallartinnermiit naammassinissap tungaanut toqqissisimanartumik ingerlatissavarput.
Sulisorisimasavit nammineq piginnaasaminik aammalu atorfimminut tunngatillugu ingerlariaqqinnissaanut takunnissinnaanngortissinnaavarput. Pineqartup atorfimmut kissaatai qulaajassavagut, peqatigiillutalu aaliangersimasunik piviusunik atorfissarsiornissaanut qinnuteqaatinik pilersaarusioqatigalugu.
Sulisorisimasatit isumannanngitsumik toqqissiimanartumik paaqqutarineqassapput. Taamallu siunnersuisarnerput ajunngitsuinnarmik nalilerneqartanera tusartarparput. Iluatsinnerpaagaangamilu sulisorisimasaq suliffittaarneranik kinguneqartarpoq. Taamaanngippallu sulisorisimasaq tuaviortumik suliffissarsinissaminut sakkussaqarlualissaaq sulisartunngoqqinnissaminut.
Kalaallit Nunaanni – Qallunaat nunaanni outplacement-imik Inuitrecruitment ikiuisarpoq. Sulisut kikkuugaluarnersut inummik aaliangersimasumik attaveqaateqartarput, suminngaaneernerlu apeqqutaalluni kulturikkut ilisimaarinnittuniit ikiorsiisoqarsinnaavoq. Outplacement-imut siunnersortigut nanissaapput Nuummi, Sorø aamma Køge-mi
Sulisussarsiorninni ilisimasalinniik ikiorneqarit, nutaamik aqutsisussarsiornerit imaluunniit suleqatissarsiornerit siullermeerninni soorunami nassaarisariaqarpat
Kukkusumik atorfinitsitsisinnaanerit qanoq pinngitsoortinneqarsinnaappat,
taamaattoqarsimappallu qanoq akisutigaa
Atorfimmut immikkut pisinnaasalimmik ujaasiviit? Headhunter-itta pikkoriffigaat Nunatsinni aammalu qall. Nunaanni ujaasineq
Sulisutillu pisariaqartippisiuk siumut ingerlariaqqinnissarsi? Ikiorsinnaavassi annertusarnissassinnut ineriartornissassinnullu. HR-imi suliassanut assigiinngitsunut ikiuuttarpugut
Piginnaasanut ineriartornissaq pisariaqarpaa? AAP… tamannami
unammillersinnaanermut nukittoqqutaassaaq minnerunngitsumillu anguniakkanut
angusaqartitsissalluni. Ingerlaarnissinni ataasiakkaarinernik imaluunniit eqimattakkaanut ikiuussinnaalluarpugut.
Kalaallit Nunaanni aammalu Qall. Nunaanni atorfiit inuttassarsiuussat maana
takukkit. Toqqorsivitsinnut CV-it uploadersinnaavat
