Suliffeqarfinnut sulisussarsiortartut atornerisigut kukkusumik atorfinititsinissaq annikinnerusarpoq. Kukkusumik sulisortaarneq imaluunniit aqutsisortaarneq annertuumik akisunaarneqarsinnaavoq – aningaasatigut kisiannili aamma inuttut. Tamannalu pisuulluni suliffeqarfiit ilisimasalinniik ikiorneqarnissartik kissaatigalugu saaffiginnittarnerat uagutsinnut annertusiartuinnarpoq.
Inuitrecruitment suliffeqarfinnut sulisussarsiortarfiuvoq Kalaallit Nunaanni aamma Qallunaat Nunaanni, misilittagaqarluarfigaarpullu inuk eqqortoq atorfimmut eqqortumut inissinneqarnissaa. Suliffeqarfippassuit ikiortarpagut sulisussarsiorneranni allaffeqarfitsinniik Nuummiit, Køge aamma Sorø-miit.
Immaqa aningaasartuutissatit sipaarniarlugit nammineq sulisussarsiorusunneruvutit. Amerlasuutigulli ”kukkusumik” sulisussarsineq akisunerujussuanngortarpoq.
Suliffeqarfimmut kukkusumik atorfinititsineq 100.000,00 sinnerlugit akeqarsinnaasarpoq, tamanna suliffeqarfimmut aningaasatigut eqquisaqaaq, taamaaginnaranili – inulli pineqartoq aamma eqqugaasarpoq, suleqatigileraluakkallu nutaamut ilinniartitsillutik piffissamik atuisut aamma pineqarput.
Tamatigorluinnaq kukkusumik atorfinititsineq paasineqartarpoq misiliinerup piffissarititaa qaangiukkaangat, tassani sulisumiit nutaamiit imaluunniit sulisitsisumiit paasineqartarmat atorfinititsineq kukkunerusoq.
Tupinnartuunngilaq sulisoq qaammammut 30.000,00 akissarsialik qaammatit sisamat atorfimmeereerluni suliffeqarfimmut naleqarsinnaammat aningaasanik 400.000,00 tikillugit. Akissarsiat, sulinngiffeqarnermi aningaasarsiat, utoqqalinersiassallu, mobiltelefon-i, IT-mut atortussat, ilinniartinneqarnera taamalu sulisutut ajunngitsorsiassat eqqarsaatigalugit – eqqaanngitsoorusunngilagullu sulisup (imlt. aqutsisut) sulinermini kukkusumik suliassat aaliangiussimasai sulileraluarnermini. (Passissutissat pissarsiarineqarput: jobindex-miit)
Suliffeqarfiit ilaasa nalunngisatik attaveqaatitillu aqqutigalugit nutaamik sulisussarsiortarput. ”Tuniniaasartumik misilittagalimmik nalunngisaqanngilatiit?” – ”qanoq ilillusi allaffimmiorsi pissarsiaraasiuk?” il.il
Tamatigut suliatigut pisinnaasat ukkatarineqartarput, kisiannili pingaaruteqarpoq – pingaaruteqarluinnarpoq inuup pineqartup aamma inuttut qanoq ittuunera paasisimassallugu. Atorfimmut tunngatillugu sapinngisat naleqquttuaannanngillat inuk eqqortuunngikkaangat. Taamaammat taamak atorfinitsitat soraarsiaarneqarsinnaapput. Taakkulu tunngavigalugit nutaamik sulisutaarniarnissinni, aqutsisortaarniarnissinni kajumissaarutigilluinnarparput pineqartut taakku marluk eqqumaffigilluinnarnissai.
Atorfimmut piukkunneqartup siullerpaamik takunerani ilippaginnittoqarsinnaavoq. Kisianni taamaarataannarsinnaalluni – qaqutigoortumillu eqquuttarluni tamanna.
Qinigassanik oqaloqateqartigata toqqaatigata – Atorfiit – inuullu qanoq ittuunera misissoqqissaartarpagut, sulisussarsiortartutuut misilittagaqarluartutuullu taamaaliornissaq pisariaqartoq nalunnginnatsigu. Aallaqqaataaniillu sukumiisumik suliassanik misissueqqissaarsimagaanni kukkusumik qinersinissaq atorfinititsinissaq annikinniaraassaaq. Taamaattumik uagut aqqutigaluta sulisussarsiortartunut qularnaveeqqummik tunisisarpugut qaammatinik aqqaneq-marlunnik.
Piginnaasat najoqqutaralugit piukkussat siullerpaamik oqaloqatigereerneqaraangata tullissaani piukkunnarnerpaat inuttut qanoq ittuuneri (personlighedstest-ertinissaanut qinnuigisarpagut.
Suliffeqarfiit amerlanngitsuinnaat periarfissaqartarput sulissarsiornissaminnut taamalu inunnik teste-rinissaminnut. Taamaammat suliffeqarfinniit saaffigineqartarnerput annertusiartuinnarpoq, taamalu sulisussarsiornertik misilittagalinnut isumagitillugu – soorlu uagutsitut ittunut.
Nunatsinni suliffeqarfinniit ulluinnarni attavigineqartuarpugut sulisussarsiornissaminnut ikioqqusuniit.
Tuniniaasartoq kissaatissinnik (illit imaluunniit pisisartuit kissaataannik) tusaajumanngitsoq oqaloqatigerusunnavianngilarsi. Tamanna atuuppoq atorfik suugaluarpalluunniit, kisiannili kiffartuussinermi suliaqartuni tamanna pingaaruteqarpoq minnerunngitsumillu; sulisup nutaap allanik suleqateqartussaagaangat.
Suliffeqarfinniit sulisut aallartitatsit suliffeqarfinnut ambassadør-itut isigisassavatit. Pisisartut/kiffartuuttakkat kusananngitsumik pineqarsimaguni tamanna illit suliffeqarfinnut kusananngitsumik isigititsilissaaq sunniuteqarlunilu pitsaanngitsumik– taamaattoqarneranilu sociale medier-ini allaaserineqarsinnaalluni annertuumik. Taamaattumik ullutsinni digital-it silarsuaanni pingaaruteqarluinnarpoq sulisoq imaluunniit aqutsisoq piukkunnarnerpaaq aallartitarissallugu, piginnaasatigut pikkoriinnarani inuttulli aamma qanoq ittuunera eqqarsaatigalugu.
Suliffeqarfinnut sulisussarsiortartutuut tamatuminnga ikiorsinnaavatsigit.
Suliffeqarfinnut sulisussarsiortarfik atussallugu kukkusumik atorfinititsinermiit akikinniaraavoq.
Sulisussarsiorninni, atorfimmullu tungasut piumasaqaatit apeqqutaallutik akia inissinneqassaaq. Illit piumasatit malillugit ingerlanneqarsinnaavoq, tassalu kissaatigisimagukku ilaannakortumik suliarissagipput imaluunniit sulisussarsiortarfiup tamaat isumagissaneraa.
Suliffeqarfiit sulisussarsiornerannik ikiortarpagut – Nunatsinni – Qallunaat nunaanni.
Ukiorpassuarni sulisussarsiortartugut headhunter-igullu iluatsittumik sulisussarsisarput. Taamaattumik suliffeqarfinnut eqqortumik atorfinititsinissat qularissanngilat.
Aallaqaataaniit naammassinissaata tungaanut konsulent-imik aaliangersimasumik
isumagineqassaatit Nunatsinniuppat imaluunniit Qall. Nunaanniuppat, tamannalu qanimut suleqatigalutit ingerlanneqassaaq, suliassap ilaannaa tigummissagaluarutsiguluunniit.
Inuitrecruitment – Suliffeqarfinnut sulisussarsiortarfiuvoq Nunatsinni imaluunniit Qallunaat Nunaanni.
Suliffeqarfinnut sulisussarsiortarfipput allaffeqarfeqarpoq Kalaallit Nunaanni Nuummi, taamalu Qall. Nunaanni Køge-mi aamma Sorø-mi.
Sulisussarsiorninni ilisimasalinniik ikiorneqarit, nutaamik aqutsisussarsiornerit imaluunniit suleqatissarsiornerit siullermeerninni soorunami nassaarisariaqarpat
Kukkusumik atorfinitsitsisinnaanerit qanoq pinngitsoortinneqarsinnaappat, taamaattoqarsimappallu qanoq akisutigaa
Atorfimmut immikkut pisinnaasalimmik ujaasiviit? Headhunter-itta pikkoriffigaat Nunatsinni aammalu qall. Nunaanni ujaasineq
Sulisutillu pisariaqartippisiuk siumut ingerlariaqqinnissarsi? Ikiorsinnaavassi annertusarnissassinnut ineriartornissassinnullu. HR-imi suliassanut assigiinngitsunut ikiuuttarpugut
Piginnaasanut ineriartornissaq pisariaqarpaa? AAP… tamannami unammillersinnaanermut nukittoqqutaassaaq minnerunngitsumillu anguniakkanut angusaqartitsissalluni. Ingerlaarnissinni ataasiakkaarinernik imaluunniit eqimattakkaanut ikiuussinnaalluarpugut.
Kalaallit Nunaanni aammalu Qall. Nunaanni atorfiit inuttassarsiuussat maana takukkit. Toqqorsivitsinnut CV-it uploadersinnaavat
